Weekend Break fi Sqallija: 5-8 ta' Settembru 2026

2 days ago
3 min read

Inzuru: Catania, Savoca, Taormina, Noto, Siracusa Ortigia, Etna, Sicilia Outlet Village, u Centro Sicilia (Primark)

(4 Ijiem / 3 Iljieli. Jinkludi vaganza pubblika)

Titjiriet KM Malta Airlines:

05 ta' Settembru 2026

KM640 – Malta 06:00, Catania 06:45

08 ta' Settembru 2026

KM3643 – Catania 22:45, Malta 23:30

Lukanda: Katane' Palace Hotel 4*, fic-centru ta’ Catania

Programm dettalljat:

Is-Sibt 5 ta' Settembru – Savoca, Taormina u Catania

Niltaqgħu fl-Ajruport Internazzjonali ta' Malta ghac-check-in. Mal-wasla f’Catania, permezz tal-coach privat tagħna, naghmlu waqfa qasira ghal kolazzjon (mhux inkluz) u nibdew il-vjaġġ lejn Savoca, wieħed mill-irħula medjevali l-aktar pittoreski fi Sqallija. Dan ir-raħal sar magħruf madwar id-dinja wara li ntuża bħala wieħed mill-postijiet ewlenin fil-film klassiku The Godfather. Matul iż-żjara naraw il-famuż Bar Vitelli, fejn inġibdu wħud mill-aktar xeni memorabbli tal-film, il-Knisja ta' San Nicolò u nimxu fit-toroq dojoq u kwieti li għadhom iżommu l-atmosfera awtentika tagħhom.Ikun hemm ħin liberu.

Wara, nitilqu lejn Taormina, magħrufa bħala l-"Perla ta' Sqallija". Din il-belt eleganti ilha tattira artisti, kittieba u vjaġġaturi għal sekli sħaħ. Inżuru t-Teatru Grieg, wieħed mill-aktar monumenti impressjonanti fi Sqallija, minn fejn wieħed jista' jgawdi veduta spettakolari tal-Etna u tal-Baħar Jonju. Inkomplu b'mixja tul Corso Umberto, inżuru Piazza IX Aprile, il-ġonna pubbliċi u ngawdu l-atmosfera vibranti taċ-ċentru storiku.

Wara, nitilqu lejn Katane' Palace Hotel 4*, fiċ-ċentru ta' Catania. It-tour leader jaghti l-ewwel toghma tal-belt li se tkun qed tospitana.

Il-Ħadd 6 ta' Settembru – Noto u Siracusa Ortigia

Wara l-kolazzjon nitilqu lejn Noto, meqjusa bħala l-kapitali tal-Barokk Sqalli u Sit ta' Wirt Dinji tal-UNESCO. Inzuru l-Katidral ta' San Nicolò, il-Palazzo Ducezio, it-teatru tal-opra, u nimxu tul Corso Vittorio Emanuele, imżejjen b'palazzi, knejjes u gallariji eleganti maħduma fil-ġebla lewn id-deheb. Jinghata hin liberu.

Wara, inkomplu lejn Ortigia, il-qalba storika ta' Siracusa, mibnija fuq gżira żgħira marbuta mal-art permezz ta' pont. Matul il-mixja tagħna nżuru Piazza Duomo, meqjusa bħala waħda mill-isbaħ pjazez fl-Italja, il-Katidral mibni fuq tempju Grieg antik, il-Funtana ta' Aretusa, it-Tempju ta' Apollo u l-promenade sabiħa li tagħti fuq il-baħar.

Filgħaxija nirritornaw lejn il-lukanda tagħna f'Catania.

It-Tnejn 7 ta' Settembru – Catania u l-Etna

Wara l-kolazzjon nagħmlu żjara fil-qalba storika ta' Catania. Il-belt hija wkoll Sit ta' Wirt Dinji tal-UNESCO u hija magħrufa għall-arkitettura Barokka impressjonanti tagħha.

Matul iż-żjara naraw Piazza del Duomo, il-Katidral ta' Sant'Agata, il-famuża Fontana dell'Elefante, is-suq tradizzjonali tal-ħut, Via Etnea, Villa Bellini, Piazza Stesicoro, u Piazza Università. Inzuru wkoll il-famuz monti uniku li toffri din il-belt. Ikun hemm ukoll ħin liberu għall-ikel, shopping, u sightseeing personali.

Wara nofsinhar nitilqu lejn il-vulkan Etna, l-ogħla vulkan attiv fl-Ewropa u wieħed mill-aktar attivi fid-dinja. Nitilgħu sal-Rifugio Sapienza, f'altitudni ta' madwar 1,900 metru, fejn naraw il-Crateri Silvestri u l-pajsaġġ vulkaniku uniku ffurmat minn eruzzjonijiet li seħħew matul is-sekli.

Filgħaxija nirritornaw lejn il-lukanda tagħna f'Catania.

It-Tlieta 8 ta' Settembru – Sicilia Outlet Village, Centro Sicilia, u Ritorn lejn Malta

Wara l-kolazzjon nagħmlu ċ-check-out mil-lukanda u nitilqu lejn Sicilia Outlet Village, wieħed mill-akbar outlet villages fi Sqallija. Hawnhekk insibu għadd kbir ta' boutiques u ħwienet ta' marki internazzjonali, b'offerti u prezzijiet vantaġġużi matul is-sena kollha. Ikollna ħin liberu biex nagħmlu x-xiri u ngawdu l-faċilitajiet tal-kumpless.

Wara nofsinhar inkomplu lejn Centro Sicilia, wieħed mill-akbar ċentri kummerċjali fil-gżira, fejn fost l-ohrajn wiehed isib il-Primark, fejn ikollna aktar ħin liberu għal-iktar shopping.

Filgħaxija nitilqu lejn l-Ajruport Internazzjonali ta' Catania ghat-titjira KM3643, li titlaq fis-22:45 u tasal Malta fil-23:30. Gitanti Ghawdxin ikollhom trasport li jwassalhom minn u lejn darhom (prezz extra).